Musika eta elkartasuna Hendaian

Olentzero Rock jaialdia antolatu da haur behartsuentzat jostailuak biltzeko asmoarekin

Unai OIARTZUN

Olentzero inoiz baino rockeroago iritsi da aurten Hendaiara. Herriko merkatu zaharrean egin diote harrera jendetsua, musika kontzertu batekin. Bertan ez da sarrerarik ordaindu behar izan, baina trukean jostailu bana eraman behar izan dute hurbildu diren ikusleek. Bildutako guztiekin, eskualdeko familia behartsuenetako haurrak zoriontsu egin nahi izan dira.

Abenduaren 3an Olentzero Rock jaialdia ospatu zen, Hendaiako Denentzat zentro sozialak antolatuta. Lapurdiko herriko Les Halles merkatuan kontzertua izan zen gaueko hamarretatik aurrera,  Flying Sextoys (Bidart), Luz de Putas (Hondarribia) eta Yassa (Frantzia) ska eta reggae taldeekin. Helburua Behe Bidasoako haur behartsuenentzat jostailuak lortzea izan zen. Horretarako, sarrera ordaindu beharrean, kontzertura hurbildu zen jendeak jostailu bana eraman behar izan zuen. 300 jostailutik gora jaso ziren azkenean, ondoren eskualdeko familia behartsuen artean banatu zirenak, haurrei oparitu ziezaizkieten. Kontzertura joan ezin izan zuen jendeari gainera, antolatzaileekin harremanetan jartzeko aukera eman zaio, jostailuren bat emanez laguntzeko aukera izateko.

Hendaiako Lanetik Egina musika elkartea eta Denentzat zentro soziala izan dira antoltzaileak.  Gorreti Martiarena hendaiarra azken honetako kidea da. Honela azaldu zuen Olentzero Rock jaialdia: “Aste honetan Olentzero eguna prestatzen ari gara. Kontzertu bat izango da gauean, jostailuak biltzeko”. Baina aurretik azaldu bezala, ez da kontzertu arrunta izango: “Hori dena da sosa biltzeko edo erregaloak biltzeko, haur pobreentzat, laguntzeko pixkat, momentu honetan uste dut jende askok behar duela”. Hendaian eta eskualdean beharra dagoela uste du Gorretik: “Bai, Hendaian behar hori badago. Hendaian, Behobia, Behobie, Urruñako zona horretan bada jende asko behar duena”.

Kontzertua gaueko hamarretan hasi zen, baina aurretik beste hainbat ekintza egon ziren arratsalde osoan zehar, haurrei zuzenduta edota haurren inguruan. Horien artean haurrek maiz egiten duten interneten erabilera ez egokiaren inguruko konferentzia bat antolatu zen. “Guraso askok uzten dituzte haurrak eta ez dakite zer egiten duten. Badira arrisku asko eta horren inguruan jolastuko dugu” azaldu zuen Martiarenak.

Maider Mihura eta Andrea Perez irundarrak dira, baina ekimenaren originaltasunak eta asmoak erakarrita kontzertura hurbildu ziren. Maider Mihura: “Ilusioa egin zidan horrelako ekintza ezberdin bat egotea hemen inguruan. Bide batez zuk disfrutatzen duzu kontzertuarekin eta nolabait laguntzen diozu behar duen jendeari”. Gaur egun teknologia berriek ekitaldien iragarpena ere aldatzea lortu dute. Irundarrek sare sozialen bidez izan zuten kontzertuaren berri. “Tuentira iritsi zitzaigun ekitaldi bat eta interesgarria iruditu zitzaigun” azaldu du Andreak. Neskak hegoaldekoak izanik, giro ezberdina aurkitu zuten Hendaian. “Adin ezberdinetako jendea ikusi genuen. Bazegoen gu baino hiru urte gutxiagoko jendea, eta gu baino nahiko zaharragoan ere  bai” dio Maiderrek.

Orokorrean, Olentzero Rock jaialdia oso positiboa izan dela aipatu dute neskek, eta horrelako ekintza gehiagoren beharra azpimarratu dute. Andrea: “Ongi dago. Normalean horrelako kontzertuak doan izaten dira, baina horrela badaukagu aitzakia bide batez jendeari laguntzeko. Azkenean soberan dauzkagun jostailuak dira eta ematean ondo sentitzen zara”. Bigarren urtez ospatu da elkartasun jaialdi hau, eta lehen bi edizioetan izan duen arrakasta ikusita, badirudi ondorengo urteetan ere aurrera jarraitzeko aukera izango duela.

                                       Luz de Putas taldearen kontzertua

Bartzelonak kolpe gogorra eman dio Real Madrileri

Benzemak lehen minutuan sartutako gola  Alexis, Xavi eta Cesc-ek errez gainditu zuten bigarren denboraldian

Matixa OTEIZA

Bartzelonak irabazi zuen larunbatean Santiago Bernabeun jokatu zen “El partido del siglo” klasikoa. Real Madril irabazten hasi zen arren, kolpe gogorra eraman zuen bigarren denboraldian. Pep Guardiolaren mutilek erakustaldi bikaina egin zuten, eta beste behin,  ikuslegoa txundituta utzi zuten.

Bernabeuko harmailak jendez gainezka zeudela hasi zen partida. Zuriak bikain hasi ziren jokoan. 20. segundoan jada lehen gola sartu zuen Benzemak Valdesen hutsegitea aprobetxatuz.  Konfiantzaz hasi ziren zuriak, argi eta gogor jokatuz. Baina Bartzelonako jokalariak berehala hasi ziren erritmoa eta konfiantza hartzen, zelaian nagusituz. Kontra-eraso latza heldu zitzaien maldrildarrei. 30. Minutuan Alexisek markagailua berdindu zuen Messiren jokaldia buruarekin errematatuz.

            Atsedenaldiaren ostean, Madrildarrek aukerak izan zituzten partidan nagusitzeko, baina blaugranek gogor eutsi zioten jokaldi guztietan aginduz. 54.minutuan Xavik 1-2koa lortu zuen Marceloren desbideratzearen laguntzaz. Mourinhok Kaka zelairatu zuen jokoa hobetzeko intentzioarekin, baina bartzelona zen nagusi oraindik. 66.minutuan 1-3koa lortu zuen Cesc Fabregasek garaipena agerian utziz.

Partida amaitu arte zuriek indartsu azken saiakerak egin zituzten zortearen aurka joateko, baina argi geratu zen Bartzelona zela zelaiaren jaun eta jabe. Kolpe gogorra izan zen madrildarrentzat, garaipen gozoa ordea, blaugranentzat. Orain sailkapen nagusian berdinduta daude bi taldeak, nagusigoa nork hartzen duen ikusi beharko da .

Garaipena Pep Guardiolaren taldearentzat

Barçak irabazi du “El partido del siglo”. Santiago Bernabeuko zelaian jokatu da partidua eta markagailuak argi utzi du, zein den talderik onena.

Janire PEREZ

RealMadril eta Bartzelonako taldea aurrez aurre egon dira behin ere SantiagoBernabeuko estadioan.

Partiduaren lehen zatian, zuriek oso ondo jokatu dute, presio bikaina egiten. Victor Valdesen hutsegite larriaren ostean, lortu du gola Real Madrilek. Bartzelonako atezainak Di Mariari pasatu dio baloia eta Benzemak ederki aprobetxatu du aukera markagailua 1-0 jartzeko.

             Argazkia: marca.com

Real Madrilek primeran  mantendu du erritmoa, baina Barçak erasoan jarraitu du. Messiren saiakera ederki desbideratu du Iker Casillasek 6. minutuan eta berriro ere Xaviren jaurtiketa zuzena desbideratu du atezainak. 24. minutuan Cristiano Ronaldok aukera ederra izan du, baina portugaldarraren jaurtiketa kanpora joan da oso desbideratuta. Abagune eta arazoak egon dira bi taldeentzat, baina, denbora aurrera egin ahala , blaugranak zelai erdian nagusitzen joan dira. Zurien presioa apurtzen joan da eta 30. minutua iristean, Alexisek 1 eta 1ekoa jarri du markagailuan. Messiren jokaldia aprobetxaturik, gola sartu dio Iker Casillaseri.

Atsedenaldia eta gero, talde katalana hasi da agintzen zelaian. Iniestak 1-2koa jarri du markagailuan bigarren zatiko 7. minutuan. Erdilari katalanaren jaurtiketa Marcelok desbideratu du nahigabe eta atezainean sartu da. Minutu batzuk geroago aparteko aukera izan dute katalanek gola sartzeko, baina Casillasek oso ondo gelditu du Alexisen saiakera.                                                      Argazkia: elcorreo.com

 

Talde zurikoek berdintzeko aukeren bila aritu dira baina Real Madrileko aurrelariak ez dira ondo aritu erasoan. Aukerarik onena Cristiano Ronaldok izan du bigarren zatiko 19. minutuan baina kanpora joan zaio baloia.

Neurketako 65. minutuan hirugarren gola sartu du Barçak. Dani Alvesek erdiraketa bikaina jarri du bigarren zutoinean eta Cesc Fabregasek sare barrura bidali du baloia errematearekin. 83. minutuan Kakak aukera garbia izan du gola sartzeko berriz ere, baina honakoan Valdesek desbideratu du kornerrerantz. Hortaz, azken emaitza 1-3koa izan da, talde katalanaren alde.

Nahiz eta Mourinho indarrez irabazten saiatu den, Guardiolaren taldea nagusitu da Bernabeun. Berdinduta daude orain Barça eta Real Madril sailkapen nagusian, beraz, trantze latza izan da talde madrildarrarentzat.

                      Fitxa teknikoa: eitb.com

                     Argazkia: sport.es

Bartzelonak aise gainditu du Real Madril Bernabeun

REAL MADRIL 1-3 F.C.BARTZELONA

Real Madril: Iker Casillas; Coentrao, Pepe, Ramos, Marcelo; Xabi Alonso, Lass (Khedira, 63.min), Özil (Kaká, 58.min); Di María (Higuaín, 68.min), Cristiano eta Benzema.

Bartzelona: Víctor Valdés; Alves, Piqué, Puyol, Abidal; Busquets, Xavi, Iniesta (Pedro, 89.min); Alexis (Villa, 84.min), Cesc Fábregas (Keita, 78.min) eta Messi.

Unai OIARTZUN

Bartzelonak irabazi zuen larunbatean Santiago Bernabeun jokatutako klasikoa. Pep Guardiolaren mutilek erakustaldia egin zuten berriro ere, aurten espero zitekeena baino handiagoa. Aise gainditu zuten Real Madril liderra, lehen minutuan gol bat jaso arren.

Zuriak bikain irten ziren presioan, eta lehenengo minutuan 1 eta 0ekoa iritsi zen, klasikoetako historiako golik goiztiarrena. Valdesek hutsegite larria egin eta Di Mariari eman zion baloia. Benzemak ederki aprobetxatu zuen aldaratzea. Abantaila honekin,  Real Madrilek intentsitate eta erritmo bizia mantendu zuen.  Minutuak pasatzearekin batera, blaugranak zelai erdian nagusitzen hasi ziren, eta madrildarren presioa apurka gainditzen hasi ziren.  Gauzak horrela, ordu erdia iristear zela Alexisek 1 eta 1ekoa jarri zuen markagailuan, Messiren jolakaldi apartaren ondoren buruz errematatuz. Atsedenaldia iritsi arte Real Madrilek ondo eutsi zion Bartzelonari, eta abagune onak ere eduki zituen partida berdintzeko.

Bigarren zatian Guardiolaren taldea jaun eta jabe izan zen zelaian, eta 54.minutuan Xavik 1 eta 2koa lortu zuen. Katalanaren jaurtiketa Marcelok desbideratu, Casillas tokiz kanpo harrapatu eta sarera joan zen. Mourinhok arriskatzeko momentua zela ikusi eta Kaka zelairatu zuen. Brasildarrarekin  presentzia irabazi zuen zelai erdian, baina zuriak ez ziren aukera garbirik sortzeko gai izan. Bartzelonak jokoa kontrolatzen jarraitzen zuen, eta azkenean 66.minutuan 1 eta 3koa lortu zuen. Ces izan zen golegilea.

 Mourinho indarra eta fisikoaren bidez gailentzen saiatu zen baina Bartzelonaren jokoa nagusitu zen berriro ere Santiago Bernabeun. Kolpe handia izan da emaitza zurientzat, eta dagoeneko berdinduta daude Bartzelona eta Real Madril sailkapen nagusian.

Irudiak: La Sexta

Bere buruaz beste egin du Sestaoko gazte batek, bere amari eraso egin ostean

Zenbait zauri egin dizkio bere amari 23 urteko gazteak eta ondoren, leihotik bota da

Janire PEREZ

Bere buruaz beste egin du Sestaoko gazte batek. Amari zenbait zauri egin ostean, laugarren pisuko leihotik bota du bere burua. 23 urteko gazteak arazo psikologikoak zituen eta amari eraso dio laban batekin. Ertzaintzak jakinarazi duenez, amak zauri larriak ditu eta Gurutzetako Ospitalean dago.

Gertakizunak ostegunean gertatu dira, goizeko bederatziak aldera. Ertzaintza hara heldu eta gaztea hilda aurkitu du lurrean botata. Amak zauri larriak zituen eta, beraz, Gurutzetako Ospitalera eraman dute. Sestaoko alkatea den Josu Bergarak adierazi duenez, han urgentziaz operatu dute, hiltzeko zorian baitzegoen. Medikuak esan duenaren arabera, solairuetako logeletara pasatuko dute laster.

Informazio osagarria: http://deia.com/2011/12/08/bizkaia/sucesos/un-joven-apunala-a-su-madre-heriendola-de-gravedad-en-sestao-y-despues-se-tira-por-al-ventana-

Tuterako Osborne zezena “Independentzia” hizki handiz margotu du Independentistak sareak

Espainiako konstituzioaren egunean burutu dute ekintza

Unai OIARTZUN

Independentistak sareak “Independentzia” hizki handiz margotu du Tutera eta Argetasen arteko Osborne zezena. “Euskal Herriak pairatzen dituen inposaketa guztiak salatzeko” egin dute haien hitzetan, Espainiako konstituzioaren egunean.

Ikurrinak, Nafarroako banderak eta independentziaren aldekoak zabaldu eta bengala berdeak piztu dituzte. Gainera euskal gizarteari deia egin diote. Independentistak sarea: “Inoiz baino argiago ikusten dugu gaur egun independentzia dela aukerarik onena Euskal Herriarendako. Sentsibilizazioa zabalduz eta aktibismoa zein mobilizazioaren bidez lortuko dugu”.

Erriberakoa ez da sarearen ekintza bakarra izan. Durangoko azokan ekintza kulturala egin dute, eta ondoren kalejira herriko kaleetan zehar.

http://www.berria.info/albisteak/58027/tuterako_osborne_zezena_independentista.htm

http://m.meneame.net/story/independentistak-lleva-cabo-accion-verde-toro-osborne

Hurrengo udan ireki nahi dute Gernikako ospitalea

70.000 bizkaitar hartzeko prest egon egongo da ospitale berria eta Galdakaoko ospitalea lagunduko du

Janire PEREZ

Gernikan eraikitzen bukatzear dauden ospitale berria hurrengo urteko udanireki nahi dute. 70.000 lagun hartzeko prest egongo da busturialdeko ospitalea. Hainbat arazok oztopatu dute ospitale berriaren irekitzea, izan ere, bosturteko atzeraldia daramatzate eraikitze lanek.

Eraikina bukatuta dago dagoeneko. Azken ukituak ematen ari dizkiote eta elektrizitateko sistema teknikoa eta gasaren azken frogak egin behar dituzte. Geratzen diren lantxoen zain dabil Osakidetza, ospitale berrira beharrezko den ekipamendu medikoa sartzeko.

Espezialitate guztien %95az arduratuko da ospitale berria, onkologia, kirurgia baskularra eta beste batzuez izan ezik.

Arabako Errioxako herritarrak Logroñoko ospitalean artatuko dituzte

Bihar sinatuko dute akordioa Eusko Jaurlaritzak eta Errioxako Gobernuak

Unai OIARTZUN

Behin-behineko akordioa lortu dute Eusko Jaurlaritzak eta Errioxako Gobernuak osasunaren inguruan. Abenduaren 15etik aurrera, Arabako Errioxako herritarrak artatzen hasiko dira berriro ere Logroñoko ospitalean. Akordioa bihar sinatuko dute, eta hiru hilabeteko epea jarri dute behi-betikoa lortzeko.

Azken hitzarmen honen bidez, Arabako Errioxako 10.000 herritar hartatuko dituzte Logroñoko ospitalean. Lehen ere horrela egiten zen, hurbiltasun kontuagatik. Baina duela hiru hilabete bi gobernuen arteko desadostasunak sortu ziren, eta Errioxako hiriburuko ospitaleak euskal herritarrak hartzeari utzi zion.

http://www.berria.info/albisteak/58045/akordioa_lortu_dute_jaurlaritzak_eta_errioxako_gobernuak.htm

http://www.publico.es/espana/410831/la-rioja-volvera-a-atender-a-los-alaveses-desde-el-dia-15

                                       Oiongo osasun zentroa.

2012ko Sol publizitate jaialdia Bilbon egingo da

Bilbo eta bere inguruarentzat ospakizun hau garrantzitsua izango dela dio Bizkaiako diputatu nagusiak

Matixa OTEIZA

Sol Iberoamerikako Publizitate jaialdia Bilbon ospatuko da 2012tik 2016ra. 25 urtez Donostian ospatu izan da, baina diru arazoak direla medio egoitzaz aldatzea erabaki dute. Hainbat hiri izan dira hautagai, baina Bilbo hautatu dute guztien artean.

     Guggenheim Museoa, Euskalduna jauregia, Alhondiga eta Bilbo Arena pabiloia izango dira jaialdiko egoitzak. Datorren 2012ko edizioa maiatzaren 31tik ekainaren 2ra egingo da eta Bizkaiako diputatu orokorra den Jose Luis Bilbaok dioenez, "hiria eta bere inguruarentzat gertaera garrantzitsua eta interesgarria izango da".

Bilboko La Casilla izotzezko pista izango da aurtengo gabonetan

“La Casilla Iceland” deituko da eta 900 metro karratu izango ditu irristatze pista berria

Janire PEREZ

La Casilla Iceland izotzezko irristatze pista berria zabalduko du Bilboko Udalak aurtengo gabonetan. 900 metro karratuko pista izango da eta abenduko 3tik urtarrilaren 15erarte egongo da irekita.

Aurreko izotz pista baino 300 metro karratu izango ditu La Casilla Iceland-ek. Horrez gain, metro bateko hesia izango du pista bera babesteko. Irristatzaile profesionalak diren begiraleak han egongo dira, patinatzaileek izan dezaketen edozein duda edo behar erantzuteko.

Irristatze pista zabalik egongo da astegunetan 10:00tik 14:00etara eta 16:00tik 22:00etara. Ostiral eta larunbatetan, aldiz, goizeko ordu batetan itxiko dute.

Tarifei dagokienez, haur harpidedunentzat 2.5€tan salduko da sarrera eta 3.5€tan harpidetuak ez daudenentzat. Heldu ez harpidetuak 4.5€ren truke lortu ahal izango dute sarrera.

13 urteko mutila aurkitu dute hilda Donostian

Bere buruaz beste egin duela uste du Herrizaingo sailak

Unai OIARTZUN

13 urteko mutil bat hilda aurkitu dute gaur goizean Donostiako Antigua auzoan. Logroño kaleko 5.zenbakiko bere etxean aurkitu dute, alboan odoldutako labana zeukalarik. Ertzaintzaren talde zientifikoko kideak heriotza aztertzen ari dira.

Herrizaingo sailak azaldu duenez, hildakoaren gurasoak bereizketa tramiteetan daude. Ama etxean dago, eta Ertzaintza aitaren bila dabil. Bikoteak beste hiru seme-alaba ditu, eta gorpua aurkitu dutenean, hiruak eskolan zeuden. Badaezpada, Ertzaintzak bertatik atera ditu.

Gaur arratsaldean Ertzaintzak baieztatu du suizidioaren aukera ari dela indarra hartzen.

Bideoa:http://www.diariovasco.com/videos/gipuzkoa/actualidad-de-gipuzkoa/1304076037001-hallan-muerto-nino-anos-forma-violenta-sebastian.html

http://www.berria.info/albisteak/57875/donostian_hilda_agertu_den_mutikoak_bere_buruaz_beste_egin_duela_uste_du_herrizaingo_sailak.htm

"Tortura Euskal Herrian" dokumentala kaleratu du TATek

Lana larunbatean aurkeztuko da Bilboko Bilborock aretoan

Matixa OTEIZA

TAT Torturaren Aurkako Taldeak larunbatean Tortura Euskal Herrian dokumentala aurkeztuko du publikoki Bilbon. Bilborock aretoan izango da emanaldia goizeko 11:30ean, eta aurrerapena sarean jarri dute.

Dokumentalean polizien tratu txarrak jasan dituzten hainbat atxilotu agertzen dira, haien artean  Arkaitz Goikoetxea, Iñigo Gutierrez, Maialen Zuazo eta Anabel Prieto. Hauek guardia zibilak atxolotu zituen 2008an eta "Garzonen protokoloa" aplikatu zitzaien.

Beraien errelatoa oiarritzat hartuta, TATek dokumental bat egin du Bertan hainbat elkarrizketa agertuko dira, torturaren errealitatea ikuspegi desberdinetik aztertzen dutenak. Lana gaztelaniaz eginda dago, baina azpitituluak euskeraz eta frantsesez jarri dituzte.

Negurako ostatua ireki du Bilbok

Non geratu ez daukatenentzat zuzenduta dago eta Mazarredo 

zumardian kokatzen da aterpetxea

Janire PEREZ

Bilboko udalak, Area de Acción Social-ekin batera negurako aterpetxea irekidu Mazarredon, ostatua ez daukatenek negua txarto pasatu ez dezaten. Etortzear dagoen urtaroko baldintza meteorologikoei ahalik eta ondoen aurre egin diezaieten nahi dute eta horretarako, 50 plaza dituen aterpetxea jarri dute behar gehien dituzten eskura. Eguraldiko baldintzak bereziki gogorrak izatekotan, aterpetxearen plazen kopurua bikoiztu egingo da.

Neguko aterpetxearen kudeaketaz Bizitegi elkartea arduratuko da. Hurrengo bi urteetan arituko da elkarteak gestio lanetan, lehiaketa publiko baten ondorioz irabazi baitu zeregina.

Neguko hotzak non geratu ez daukaten pertsonengan duen talka murriztu nahi du udalak eta horrez gain, profesional eta hezitzaile sozialekin izan dezaketen harremana sustatu eta hobetu nahi du, informazioa eta aholkularitza emanez.

Mintzodromoa antolatu dute Gasteizen

Gasteizko 500 bat euskaldunek parte hartu dute ekitaldian

Unai OIARTZUN

Bai Euskarari Ziurtagiriak mintzodromoa antolatu zuen atzo Gasteizen, Udalaren eta Arabako Foru aldundiaren laguntzarekin. Euskaraz aritzeko gune berezia izan zen, Abenduaren 3ko Euskararen Nazioaretko Egunaren ospakizuna dela eta antolatutakoa.

Foru plazan karpa bat ezarri zuten, eta egun osoan zehar gai ezberdinetaz iritziak elkartrukatzeko aukera izan zen. Goizeko hamarretan zabaldu zen karpa, eta iluntzeko zazpiak arte egon zen zabalik. Parte hartzaileak taldeka elkartu ziren euskaraz hitz egiteko.

Gasteizko lehenengo mintzodromoak adin ezberdinetako jendea erakarri zuen, eta gehienak oso gustora agertu ziren bai esperientziarekin baita haren inguruan sortutako giroarekin. Ekimenaren helburua, euskara bizitzako esparru guztietara zabaltzea da.

http://www.berria.info/albisteak/57777/gasteizko_lehen_mintzodromoa.htm

Lopezek presoak hurbiltzeko eskatuko dio Raxoiri

Ezker abertzaleak "barkamena" eskatu beharko duela adierazi du Lopezek

Matixa OTEIZA

Patxi Lopez Lehendakariak jakinarazi duenez, laster Mariano Raxoi datorren Estatuko presidentearekin bilduko da eta espetxe politika aldatzeko eskatuko dio.

     Lopezen ustez ETAren biolentzia armatuaren amaierarekin, "terrorismoaren ziklo luzea lurperatzeko" eta presoen egoera aldatzeko garaia iritsi da. Presoak beraien bizilekutik hurbil dauden espetxeetara hurbiltzea eta behar denei etxera eramatea dira "legea gainditu gabe" eman daitezkeen lehen aldaketak.

       Hala ere, lehendakariak adierazi du "aldaketa lortu nahi duenak eragindako oinazea onartu beharko duela". Hau da, ezker abertzaleak barkamena eskatu beharko duela. Izan ere, bere hitzetan "gizartean ETAk egindakoa ez dagoela gaizki edo zerbaitetarako balio izan dueneko ideia geldituko balitz, hurrengo urteetan indarkeria berriro erabili nahiko duten talde terroristak sortu daitezke".

Inbertsioetan %54 murriztu du Ondarroak

10.2 milioiko kontua onetsi du udalak 2012rako baina, EAJ ren ustez, ez da nahikoa behar izango behar izango diren guztiak gain hartzen ez dituelako

Janire PEREZ

Ondarroako kontuek murrizpen handia jazoko dute datorren urtean. 10.264.700 euroko aurrekontua izanda, 2012an %9.26ko jaitsiera izango dute. Murrizketak izango dira arlo askotan eta obra handirik ez da egingo udalerrian.

Argia Ituarte alkateak adierazi du herriak dituen beharrak asetuko direla baina ez dela inbertsio handirik egingo. Gas eta zuntz optikoa herriko alde zaharreko zenbait kaleetan ipintzea izango da kontuan hartu den infraestrukturarik garrantzitsuena.

Kontuak Bilduren 9 kideek onartu zituzten baina EAJkoek, ordea, horren kontran jarri ziren. Alderdi jeltzaleko 4 kideen ustez, aurrekontu horiek ez dute behar diren infraestruktura eta zerbitzu guztiak gain hartuko eta arazo larrienak ez ditu babestuko.

Etxebizitza, aparkalekuak eta poligono industrialak oso garrantzitsuak diren arazoak dira herrian eta jeltzaleek diotenaren arabera, ez da euro bakar bat ere aurreikusi.  

Informazio osagarria aurki dezakezu hurrengo web orrialdean: http://www.deia.com/2011/11/26/bizkaia/costa/ondarroa-reduce-un-54-sus-inversiones?utm_source=dlvr.it&utm_medium=twitter&utm_campaign=noticiasbizkaia

Sastatuta hil da gizon bat Portugaleten

Erailda txinatarra zen eta Portugaleteko alkateak esan duenez, garbiketa kontua izan liteke

Janire PEREZ

Portugaleten sastatuta hil da berrogeita zazpiko gizon txinatar bat. Goizaldean gertatu da ezbeharra, 01:00 inguruan, Portugaleteko Abaro kalean. Ertzainak hildakoaren etxean zeuden lau pertsona atxilotu ditu ustezko egileak direlakoan. Hala ere, Santurtziko portuaren inguruan beste gizon bat atxilotu du euskal poliziak, hilketaren ustezko egiletzat.

Anbulantzian bertan hil zen biktima. Etxebizitzan odol arrastoak zituen labana aurkitu du Ertzaintzak eta baliteke laban hori homizidioa gauzatzeko arma izatea.

Portugaleteko alkatea den Mikel Torresek gertatutako kontu-garbiketa bat izan zitekeela adierazi du, izan ere, Txinatar-elkarteak oso lasaiak dira eta ez dituzte bizikidetza arazoak sortzen.

Homizidioan inplikatutako guztiak txinatarrak ziren, ustezko egileak eta hildakoa barne.

Bi gizon atxilotu dituzte Gasteizen bikotekideak jo dituztela egotzita

Udaltzainei indarrez aurre egiten ere saiatu zen bietariko bat

Gasteizko udaltzaingoak bi gizon atxilotu ditu, bikotekideak jo dituztela egotzita. Lehenengoa, 49 urtekoa, atzo atxilotu zuten 20.40 aldera, Gasteizko Olagilen kalean. Udaltzainek azaldu zutenez, eurak jotzen ere saiatu zen. Ordubete geroago bigarrena atzeman zuten, 25 urtekoa. Honek neska-laguna kalean erasotu omen zuen.

Berriak albiste honen berri eman du bere twiterreko profilean, duela hiru ordu inguru. Ondorengo titularra ipini dute: Bi gizon atxilotu dituzte Gasteizen, bikotekideak jo dituztelakoan.

http://www.berria.info/albisteak/57597/bi_gizon_atxilotu_dituzte_gasteizen_bikotekideak_jo_dituztelakoan.htm

Berria taldeak bilera egingo du larunbatean Andoainen

Akziodun, harpidedun eta irakurleak deitu dituzte enpresaren etorkizunaz hitz egiteko

Berria taldeak bilera deitu du enpresaren etorkizunaz eta sostengu bide berriei buruz hitz egiteko. Andoaingo Martin Ugalde Kultur Parkean egingo da, goizeko 10etan. Akziodun, harpidedun eta irakurleak deitu dituzte, baina bilera erabat irekia izango da.

Inoiz baino irakurle gehiago duen garaian, Berriaren diru sarrerak behera egiten ari dira. Hedabideen kontsumoaren aldaketek eta Interneten indarrak egoera okertu dute. Berria taldea: “Zaila dugu orain arteko bideari eustea, eta are zailagoa instituzioetatik publizitatea eta diru-laguntzak murriztu dituztenean”. Taldeak iragarri du hemendik aurrera herritarren bultzada beharko duela.

http://www.berria.info/albisteak/57538/berria_taldeak_bilerara_deitu_ditu_larunbatean_akziodun_harpidedun_eta_irakurleak.htm

Amaiurrek eskua luzatu die GeroaBai ea EAJri, elkarrekin Euskal Herritaren eskubideak defendatzeko Madrilen

PPk esan du lehenengo egunetan ez duela Amaiurrekin hitz egingo eta talde parlamentarioa osatzea ukatuko diola 

Matixa OTEIZA 

Amaiur koalizioak eskua luzatu die EAJ eta Geroa Bairi, Espainiako Kongresuan eta Senatuan legealdi honetan "euskal herritarren eskubideen defentsan elkarrekin jarduteko".

Etorkizunera begira, Amaiurren iritziz hiru esparru nagusitan garatu beharko lukete elkarlana: "Euskal Herriaren aitortza, autodeterminazio eskubidearen aitortza eta Lan Harremanetarako eta Babes Sozialerako Euskal Esparruaren aldarrikapena".

Amaiurrek 333.624 boto lortu ditu Euskadi eta Nafarroan elekzio hauetan. Estatuko subirano eta independentista ezkertiarrek ordezkaritza handiena lortu dute, Euskal Herrian jokoan zeuden 23 aulkitik zazpi lortu baitituzte Parlamentuan.  Zentzu horretan, harrigarriak iruditu zaizkio PPren deklarazioak, larria baita Amaiurrekin hitz egitea eta talde parlamentarioa osatzea ukatzea.