martes, 29 de noviembre de 2011

"Tortura Euskal Herrian" dokumentala kaleratu du TATek

Lana larunbatean aurkeztuko da Bilboko Bilborock aretoan

Matixa OTEIZA

TAT Torturaren Aurkako Taldeak larunbatean Tortura Euskal Herrian dokumentala aurkeztuko du publikoki Bilbon. Bilborock aretoan izango da emanaldia goizeko 11:30ean, eta aurrerapena sarean jarri dute.

Dokumentalean polizien tratu txarrak jasan dituzten hainbat atxilotu agertzen dira, haien artean  Arkaitz Goikoetxea, Iñigo Gutierrez, Maialen Zuazo eta Anabel Prieto. Hauek guardia zibilak atxolotu zituen 2008an eta "Garzonen protokoloa" aplikatu zitzaien.

Beraien errelatoa oiarritzat hartuta, TATek dokumental bat egin du Bertan hainbat elkarrizketa agertuko dira, torturaren errealitatea ikuspegi desberdinetik aztertzen dutenak. Lana gaztelaniaz eginda dago, baina azpitituluak euskeraz eta frantsesez jarri dituzte.




Negurako ostatua ireki du Bilbok

Non geratu ez daukatenentzat zuzenduta dago eta Mazarredo 
zumardian kokatzen da aterpetxea

Janire PEREZ


Bilboko udalak, Area de Acción Social-ekin batera negurako aterpetxea irekidu Mazarredon, ostatua ez daukatenek negua txarto pasatu ez dezaten. Etortzear dagoen urtaroko baldintza meteorologikoei ahalik eta ondoen aurre egin diezaieten nahi dute eta horretarako, 50 plaza dituen aterpetxea jarri dute behar gehien dituzten eskura. Eguraldiko baldintzak bereziki gogorrak izatekotan, aterpetxearen plazen kopurua bikoiztu egingo da.


Neguko aterpetxearen kudeaketaz Bizitegi elkartea arduratuko da. Hurrengo bi urteetan arituko da elkarteak gestio lanetan, lehiaketa publiko baten ondorioz irabazi baitu zeregina.


Neguko hotzak non geratu ez daukaten pertsonengan duen talka murriztu nahi du udalak eta horrez gain, profesional eta hezitzaile sozialekin izan dezaketen harremana sustatu eta hobetu nahi du, informazioa eta aholkularitza emanez.




Mintzodromoa antolatu dute Gasteizen

Gasteizko 500 bat euskaldunek parte hartu dute ekitaldian
Unai OIARTZUN
Bai Euskarari Ziurtagiriak mintzodromoa antolatu zuen atzo Gasteizen, Udalaren eta Arabako Foru aldundiaren laguntzarekin. Euskaraz aritzeko gune berezia izan zen, Abenduaren 3ko Euskararen Nazioaretko Egunaren ospakizuna dela eta antolatutakoa.
Foru plazan karpa bat ezarri zuten, eta egun osoan zehar gai ezberdinetaz iritziak elkartrukatzeko aukera izan zen. Goizeko hamarretan zabaldu zen karpa, eta iluntzeko zazpiak arte egon zen zabalik. Parte hartzaileak taldeka elkartu ziren euskaraz hitz egiteko.
Gasteizko lehenengo mintzodromoak adin ezberdinetako jendea erakarri zuen, eta gehienak oso gustora agertu ziren bai esperientziarekin baita haren inguruan sortutako giroarekin. Ekimenaren helburua, euskara bizitzako esparru guztietara zabaltzea da.
http://www.berria.info/albisteak/57777/gasteizko_lehen_mintzodromoa.htm

domingo, 27 de noviembre de 2011

Lopezek presoak hurbiltzeko eskatuko dio Raxoiri

Ezker abertzaleak "barkamena" eskatu beharko duela adierazi du Lopezek

Matixa OTEIZA

Patxi Lopez Lehendakariak jakinarazi duenez, laster Mariano Raxoi datorren Estatuko presidentearekin bilduko da eta espetxe politika aldatzeko eskatuko dio.

     Lopezen ustez ETAren biolentzia armatuaren amaierarekin, "terrorismoaren ziklo luzea lurperatzeko" eta presoen egoera aldatzeko garaia iritsi da. Presoak beraien bizilekutik hurbil dauden espetxeetara hurbiltzea eta behar denei etxera eramatea dira "legea gainditu gabe" eman daitezkeen lehen aldaketak.

       Hala ere, lehendakariak adierazi du "aldaketa lortu nahi duenak eragindako oinazea onartu beharko duela". Hau da, ezker abertzaleak barkamena eskatu beharko duela. Izan ere, bere hitzetan "gizartean ETAk egindakoa ez dagoela gaizki edo zerbaitetarako balio izan dueneko ideia geldituko balitz, hurrengo urteetan indarkeria berriro erabili nahiko duten talde terroristak sortu daitezke".

sábado, 26 de noviembre de 2011

Inbertsioetan %54 murriztu du Ondarroak

10.2 milioiko kontua onetsi du udalak 2012rako baina, EAJ ren ustez, ez da nahikoa behar izango behar izango diren guztiak gain hartzen ez dituelako

Janire PEREZ

Ondarroako kontuek murrizpen handia jazoko dute datorren urtean. 10.264.700 euroko aurrekontua izanda, 2012an %9.26ko jaitsiera izango dute. Murrizketak izango dira arlo askotan eta obra handirik ez da egingo udalerrian.

Argia Ituarte alkateak adierazi du herriak dituen beharrak asetuko direla baina ez dela inbertsio handirik egingo. Gas eta zuntz optikoa herriko alde zaharreko zenbait kaleetan ipintzea izango da kontuan hartu den infraestrukturarik garrantzitsuena.

Kontuak Bilduren 9 kideek onartu zituzten baina EAJkoek, ordea, horren kontran jarri ziren. Alderdi jeltzaleko 4 kideen ustez, aurrekontu horiek ez dute behar diren infraestruktura eta zerbitzu guztiak gain hartuko eta arazo larrienak ez ditu babestuko.

Etxebizitza, aparkalekuak eta poligono industrialak oso garrantzitsuak diren arazoak dira herrian eta jeltzaleek diotenaren arabera, ez da euro bakar bat ere aurreikusi.  

Informazio osagarria aurki dezakezu hurrengo web orrialdean: http://www.deia.com/2011/11/26/bizkaia/costa/ondarroa-reduce-un-54-sus-inversiones?utm_source=dlvr.it&utm_medium=twitter&utm_campaign=noticiasbizkaia







viernes, 25 de noviembre de 2011

Sastatuta hil da gizon bat Portugaleten

Erailda txinatarra zen eta Portugaleteko alkateak esan duenez, garbiketa kontua izan liteke
Janire PEREZ

Portugaleten sastatuta hil da berrogeita zazpiko gizon txinatar bat. Goizaldean gertatu da ezbeharra, 01:00 inguruan, Portugaleteko Abaro kalean. Ertzainak hildakoaren etxean zeuden lau pertsona atxilotu ditu ustezko egileak direlakoan. Hala ere, Santurtziko portuaren inguruan beste gizon bat atxilotu du euskal poliziak, hilketaren ustezko egiletzat.


Anbulantzian bertan hil zen biktima. Etxebizitzan odol arrastoak zituen labana aurkitu du Ertzaintzak eta baliteke laban hori homizidioa gauzatzeko arma izatea.

Portugaleteko alkatea den Mikel Torresek gertatutako kontu-garbiketa bat izan zitekeela adierazi du, izan ere, Txinatar-elkarteak oso lasaiak dira eta ez dituzte bizikidetza arazoak sortzen.


Homizidioan inplikatutako guztiak txinatarrak ziren, ustezko egileak eta hildakoa barne.

jueves, 24 de noviembre de 2011

Bi gizon atxilotu dituzte Gasteizen bikotekideak jo dituztela egotzita

Udaltzainei indarrez aurre egiten ere saiatu zen bietariko bat
Gasteizko udaltzaingoak bi gizon atxilotu ditu, bikotekideak jo dituztela egotzita. Lehenengoa, 49 urtekoa, atzo atxilotu zuten 20.40 aldera, Gasteizko Olagilen kalean. Udaltzainek azaldu zutenez, eurak jotzen ere saiatu zen. Ordubete geroago bigarrena atzeman zuten, 25 urtekoa. Honek neska-laguna kalean erasotu omen zuen.
Berriak albiste honen berri eman du bere twiterreko profilean, duela hiru ordu inguru. Ondorengo titularra ipini dute: Bi gizon atxilotu dituzte Gasteizen, bikotekideak jo dituztelakoan.

Berria taldeak bilera egingo du larunbatean Andoainen

Akziodun, harpidedun eta irakurleak deitu dituzte enpresaren etorkizunaz hitz egiteko
Berria taldeak bilera deitu du enpresaren etorkizunaz eta sostengu bide berriei buruz hitz egiteko. Andoaingo Martin Ugalde Kultur Parkean egingo da, goizeko 10etan. Akziodun, harpidedun eta irakurleak deitu dituzte, baina bilera erabat irekia izango da.
Inoiz baino irakurle gehiago duen garaian, Berriaren diru sarrerak behera egiten ari dira. Hedabideen kontsumoaren aldaketek eta Interneten indarrak egoera okertu dute. Berria taldea: “Zaila dugu orain arteko bideari eustea, eta are zailagoa instituzioetatik publizitatea eta diru-laguntzak murriztu dituztenean”. Taldeak iragarri du hemendik aurrera herritarren bultzada beharko duela.

miércoles, 23 de noviembre de 2011

Amaiurrek eskua luzatu die GeroaBai ea EAJri, elkarrekin Euskal Herritaren eskubideak defendatzeko Madrilen

PPk esan du lehenengo egunetan ez duela Amaiurrekin hitz egingo eta talde parlamentarioa osatzea ukatuko diola 

Matixa OTEIZA 

Amaiur koalizioak eskua luzatu die EAJ eta Geroa Bairi, Espainiako Kongresuan eta Senatuan legealdi honetan "euskal herritarren eskubideen defentsan elkarrekin jarduteko".


Etorkizunera begira, Amaiurren iritziz hiru esparru nagusitan garatu beharko lukete elkarlana: "Euskal Herriaren aitortza, autodeterminazio eskubidearen aitortza eta Lan Harremanetarako eta Babes Sozialerako Euskal Esparruaren aldarrikapena".

Amaiurrek 333.624 boto lortu ditu Euskadi eta Nafarroan elekzio hauetan. Estatuko subirano eta independentista ezkertiarrek ordezkaritza handiena lortu dute, Euskal Herrian jokoan zeuden 23 aulkitik zazpi lortu baitituzte Parlamentuan.  Zentzu horretan, harrigarriak iruditu zaizkio PPren deklarazioak, larria baita Amaiurrekin hitz egitea eta talde parlamentarioa osatzea ukatzea.

sábado, 19 de noviembre de 2011

Durango eta Barakaldon bi gizonezko atxilotu dituzte genero indarkeria dela eta

Biktimek tratu txarrak jaso dituzten lehenengo aldia ez zela onartu dute

                Janire PEREZ

Bi lagun atxilotu ditu Ertzaintzak Durango eta Barakaldon, euren bikoteei eraso egiteagatik. Barakaldon jazo da lehengo atxiloketa, arratsaldeko hiruretan. Durangon hiru ordu beranduago atxilotu dute beste gizonezkoa, arratsaldeko seietan. Azkenengoa adin txikikoa zen.


Barakaldon, biktimaren semeak abisatu du polizia, bere aita ama eta ahizpa jipotzen baitzegoen. Arazo baten ondorioz, gizonezkoak bere emaztea eta alaba ileetatik tira eta lurrera bota zituen eta eskopeta batekin mehatxatu zituen etxetik alde egiten ahalegindu zirenean. Ertzaintza heltzean, emakumea ospitalera eraman dute.


Bigarren atxiloketa ostiraleko arratsaldeko seiak aldera gertatu da Durangon. Mutil gazte batek, neska bati ostikadak ematen ari zizkiola jakinarazi du auzokide batek. 16 urteko neska gaztea eta bere mutil laguna, adin txikikoa baita ere, eztabaidatzen ari ziren eta erasotzaileak ostikadak ematen ari zitzaion.

Bi kasuetan, biktimek lehenago tratu txarrak jaso dituztela aitortu dute.






Deia eta eitb-ko atarian informazio gehiago.

jueves, 17 de noviembre de 2011

Santurtziko Udalak euskararen alde egiten du

Euskararen erabilpena bultzatzeko hainbat ariketa prestatu ditu udalak abenduaren 3ra arte

Janire PEREZ

Euskararen Nazioarteko eguna gertu dagoenez, Santurtzik hainbat ariketa eta solasaldi prestatu ditu euskara bultzatzeko. Bi astez egongo da herri arrantzalea programan murgildurik. Ikasi, erosi, jolastu, hitz egin etab. euskaraz egitea nahi da Santurtzin eta horretarako udalak kultur ariketen alde egin du.


Laugarren urtea da dagoeneko Udazkena Euskaraz programa burutzen dutela. Antzerkiak, hitzaldiak, solasaldiak, puzgarriak, berbenak eta herri kirolak egongo dira Santurtzin. Euskara Biziberritzeko Plan Nagusia (EBPN) orain dela hiru urte jarri zen martxan eta Danel Bringas Kultura eta Euskara udal zinegotziak adierazi duenez, santurtziarrei euskaraz aritzeko eta ikasteko aukera eman nahi zaie.


Bertsolaritza Saioa ere badago programan, Gu ere bertsotan. Lehen Hezkuntzako hainbat ikasle bertsolarien azalean egongo dira eta haiek izango dira bertsotan arituko direnak oraingoan.







Behobia-Donostiak 1.250kg hondakin utzi ditu Irunen bakarrik

Txingudiko Zerbitzuak izan da garbiketaren arduraduna
Unai OIARTZUN
1.250kg hondakin utzi dituzte Irunen Behobia-Donostia lasterketako 23.000 parte hartzaileek. Kolon ibilbidean eta Landetxa auzoan kokatutako postuetan 50.000 kartoizko edalontzi banatu ziren, Mankomunitateko urez betetakoak.
Txingudiko Zerbitzuak elkartetik azaldu dute hondakinen kopurua handia izan arren, egin duten balorazioa oso positiboa izan dela: “Bertako produktu bat kontsumitzeak ingurugiroarentzat onura suposatzen du, garraioarekin lotutakoa adibidez”. Gainera ura kartoizko edalontzietan banatu zen, eta ondoren horiek jaso eta birziklatu egin dira. Txingudiko Zerbitzuak: “Bidasoarrek, mankomunitatearen bidez, lasterketa honek ingurugiroarekiko errespetu handiagoa izan dezan laguntzen dute”.

http://www.bidasoaldia.com/2011/11/15/la-behobia-deja-1-250-kg-de-residuos-en-irun/

Vueling konpainia Hondarribiko aireportuan lan egiten hasiko da martxotik aurrera

Hondarribiako aireportuak Bartzelonarako hegaldiak izango ditu 40 eurotan
Unai OIARTZUN
Datorren urteko martxotik aurrera Vueling low cost konpainiak hegaldiak eskainiko ditu Hondarribiko aireportutik. Asteartean jakinarazi zuen Eusko Jaurlaritzako Etxebizitza, Herrilan eta Garraio sailburuak. Konpainiak egunean hegaldi bat eskainiko du Bartzelonara, eta bertatik Europako hainbat hiriburutara egin ahalko da konexioa, Paris, Mosku, Amsterdam edo Erroma besteak beste. Bidaia hauek txartel bakar batez eta behin bakarrik fakturatuta egin ahalko dira.
Azken urteotan EAEko aireportuek beherakada nabarmena jasan dute bidaiariei dagokionez, eta honakoa bezalako ekimenen bidez Garraio departamentuak aireportuen erabilpena sustatu nahi du.

miércoles, 16 de noviembre de 2011

Donostiako talasoterapian gas-ihes toxikoa izan da

  • 70 bat langile eta bezero artatu behar izan dituzte
  • Ihes toxikoa lixiba eta kloroa nahasteagatik sortu da
Matixa OTEIZA

Goizeko 8:30ak aldera Donostiako LaPerla talasoterapia zentruan gas-ihes toxikoa izan da. Ihesaren ondorioz Ertzaintzak eta suhiltzaileak talasoterapiako eta ondoko lokaletan zegoen jendea kalera atera behar izan dute.

Larrialdietarako osasun zerbitzuek 70 bat lagun artatu behar izan dituzte. Haietariko hamalau anbulantzietan osasun zentruetara eraman dituzte arnasketa arazoengatik. Osakidetzak esan duenez inor ez dago egoera larrian. Egoera bere onera etorri arte, La Perla inguruko kaleetatik pasatzea galarazi du Ertzaintzak pozoinketa posibleak ekiditzeko. Jada egoera bere onera itzuli da zentrura eta bere inguruetara, baina hiru pertsonek hospitalean jarraitzen dute.
    


lunes, 14 de noviembre de 2011

Gizon batek labankadaz pertsona bat hil eta beste sei zauritu ditu Bilbon

Erasotzaileak 65 urteko Kepa Mallea Santutxuko metro irteera inguruan  hil du. Zaurituetako hiru egoera larrian daude hospitalean.

Matixa Oteiza

Erasotzaileak  Bilboko Santutxu auzoan 65 urteko gizon bat labankadaz hil eta beste sei pertsona zauritu ditu  herritarrak geldiarazi eta ertzaintzak atxilotu aurretik.

Erasoa goizeko 9:45etan izan da Santutxuko metro irteera inguruan. Hildakoa Karmelo ikastolako irakasle ohia Kepa Mallea da eta zaurituak 20 eta 53 urteen arteko lau emakume eta hiru gizon dira.  Horietako hiru egoera larrian daude. Lekuko batzuek aipatu dutenez, "nire familia hil dute, eta orain nik guztiok hilko zaituztet" ohiukatzen ibili da hiltzailea.

    Oraindik ez daude argi gerkariaren arrazoiak, baina  erasotzailea B.A.K. iraniar jatorriko 31 urteko gizona  dela esan du Ertzaintzak.  Biktimei elkartasuna erakusteko kontzentrazioa antolatu du Bilboko udalak.

domingo, 6 de noviembre de 2011

Tartak bota dizkiote Barcinari

AHTaren aurkako ekintzaile batzuk jaurti dizkiote tartak Nafarroako Gobernuko lehendakariari
                   Matixa OTEIZA


Okzitaniako Tolosan ospatzen ari zen Pirinioetako Lan Komunitateak (CTP) antolatutako ekitaldi batean tartak  bota dizkiote Nafarroako Gobernuko lehendakaria Yolanda Barcinari.


     Mugitu! AHT gelditzeko plataformako kide batzuk izan dira ekintza horren egileak . Hauek AHTaren aurkako kartelekin igo dira oholtzaren gainera eta ekintzaren zergatia adierazten duten panfletoak jaurti dituzte. Bitartean, mugimenduko beste kide batzuk hiru tarta bota dizkiote Barcinari, eta tarta batek buruan jo dio.

jueves, 3 de noviembre de 2011

Bi pertsona zauritu dira Irungo etxe batek sua hartzean

Sutean kea arnasteagatik zaurituetako bat Bidasoa ospitalera eraman behar izan dute

Matixa OTEIZA

Irungo Luis de Uranzu kaleko pisu bateko bosgarren solairuan sua piztu da goizeko 02:15 inguruan eta bi pertsona zauritu dira. Arriskua kontutan hartuta, suhiltzaileek bosgarren eta seigarren solairuko bizilagunak aterarazi dituzte.

     Kea arnasteagatik zauritu diren pertsonetako bat, 60 urteko gizona, Bidasoa ospitalera eraman behar izan dute eta bestea anbulantzian bertan artatu dute. Gainontzeko bizilagunak sua itzal bezain azkar beren etxeetara itzuli ahal izan dira. Poliziak oraindik ez daki zein izan den sutearen arrazoia, baina ikertzen dihardu.

 

Homizidioaren biktima

Kolonbiar baten gorpua aurkitu du Ertzaintzak Berroztegietan
Unai OIARTZUN
25 urteko mutil bat hilda topatu zuten ostiralean Berroztegietan, Araban. Ertzaintzaren arabera hildakoa homizidioaren biktima izan da. Gorpua errepidean zegoen, bidean gurutzatutako auto baten ondoan. Ertzaintzak Europa Press-i azaldu dioenez indarkeria arrastoak ditu gorpuak, eta ikerketari ekin dio berehala.
Gaueko bederatziak aldera aurkitu zuten Gasteiz eta Zaldiarango gainaren arteko A-3102 karreteran, Berroztegieta inguruan. 25 urte zituen biktimak, Kolonbian jaioa zen, eta Gasteizen bizi zen.

martes, 1 de noviembre de 2011

Etorkinei kontratu faltsuak sinatzen zizkien enpresarioa atxilotu du Ertzaintzak Bilbon

Herrizaingo Sailaren arabera, estatuan zuten egoera arautzearren 1.500 euro eskatzen zizkien bere langileei

Janire PEREZ

Etorkinei kontratu faltsuak sinatzen zizkien 61 urteko enpresarioa atxilotu du Ertzaintzak Bilbon. Ia 1.500 euro eskatzen zizkien enpresarioak etorkinei Espainian zuten egoera arautzeko. Kontratua faltsua zela konturatzean, irailean etorkin batek jarri zuen bere kontrako salaketa, maula egiteagatik. Salatzaileak dionaren arabera, existitzen ez zen eraikuntza enpresa baterako kontratatu zuen maula egileak.

Ertzainak dagoeneko enpresarioaren taktika badaki. Ipar Afrika eta Senegaleko etorkinekin bereziki jartzen zen harremanetan eta euren egoera arautzeko hitza ematen zien, tramite guztiekin hasi baino lehen 1.500 euro inguru eskatuz. Ondoren, eraikuntza arloko enpresetan kontratuak egiten zizkien, Ertzainaren arabera, existitzen ez ziren enpresekin.

Hego Ameriketako etorkinei egingo zizkien kontratu faltsuak ere aurkitu ditu euskal poliziak eta maula gehiagoren berri izatearen zain dago oraindik. Enpresarioa epailearen aurrean eramateko itxaroten dago.